القطايف
مقدمه من شيف مني التابعي
بجد أحلى من الجاهزة بكتيييييير
★المقادير
هنجيب الخلاط هضيف الاتي
1كوب ونص مايه
1كوب دقيق
ربع كوب سميد
معلقه ك لبن بودره
معلقه نشا
معلقه صغيره سكر
نص صغيره بيكنج بودر
ربع معلقه صغير بكينج صودا
ربع معلقه صغيره خميرة
رشه ملح
ونخلطهم بالخلاط حوالي خمس دقايق
المقادير دى مظبوطه باذن الله هطلع القطايف. طريه
والفتحات ف القطايف. صغيرة وجمب بعض ودى القطايف المظبوطه
ولا هتفك منك ف الزيت ولا هتتفتح
الطريقة
بعد ما تتخفق ف الخلاط نريح الخليط عشر دقائق فقط
ونبدأ نسويها ع النار
نكون حاطين علي النار طاسه مبتلزقش ساخنه والنار وسط او اقل من الوسط وننزل بالكبشه علي الحجم الي انتي عايزاه ولما تخمر من فوق وميبقاش فيها عجين من فوق اعرفي انها استوت
طلعيها ع فوطه. وغطيها عشان متنشفش منك
ومن تحت متخليهاش تحمر اوي خليها فاتحه لونها دهبي عشان لما تقليها فى الزيت متاخدش لون علي طول وعشان تطلع مقرمشة معاكى
ولما تبرد احشيها واقليها