إنفراد صحفي مع الدكتور ” فرج الخلفاوي ” رئيس لجنة المراسم و المؤتمرات للجمعية المصرية للإقتصاد السياسي
أجري الحوار : عمر آدم
إعداد صحفي : ندي ربيع
عدسه : كريم العربي
لمشاهدة اللقاء كاملاً فيديو :
هنتكلم معاه عن الجمعية المصرية للإقتصاد السياسي و هنعرف أكتر عن المؤتمرات التي تقام داخل الجمعية و تفاصيل أكتر عن الندوة .
أنشت الجمعية و وضعت تحت رعاية و إشراف الحكومة و أعتمد القانون النظامي للجمعية السلطانية للإقتصاد السياسي و الإحصاء و التشريع .
كانت الجمعية تعمل على توثيق الصلات بين الفكر العالمي فى العلوم القانونية و الإقتصادية ، ذلك من خلال أنشطة الجمعية . ده اللى هنتكلم عنه و نعرفه مع الدكتور ” فرج الخلفاوي “
كلمنا عن الجمعية ؟
الجمعية العلمية تأسست عام ١٩٠٩ بنهتم بالشق العلمي و الذي يُخدم على وطنا ، فبالتالي كل القضايا العصرية التي يمر بها الوطن إحنا بناقشها و بنحاول نطلع بها توصيات نساعد بها القادة السياسية .
إيه هي تنظيمات المؤتمر ؟
إحنا كاجمعية بنظم ورش عمل و موسم ثقافي و دورات تدريبية بصفة أسبوعية تكاد توازى ٣ أيام في الأسبوع ، بالإضافة إننا عندنا مؤتمرات ثانوية و منها مؤتمر إقتصادي و مؤتمر قانوني .
المؤتمر بيقدم إيه السنادي ؟
إحنا السنادي عاملين مؤتمر إقتصادي عن الإقتصاد المصري بين العالمية و الإقليمية ، أخذنا الغذاء كنموذج للمؤتمر الإقتصادي و بناقش فيه كل مشكلة الغذاء في العالم و في الوطن العربي و إزاى نوصل لحلول ليها علشان نقدر نساعد القيادة السياسية لإيجاد حلول و توصيات لهذا الأمر .
كلمنا عن المؤتمر القانوني ؟
إحنا بنعمل مؤتمرات قانونية ثانوية و ده أمور ثابتة يعنى المؤتمر الإقتصادي السنادي ده المؤتمر ال ٣٠ على تاريخ الجمعية ، بنتكلم فيه عن الإشكاليات القانونية الموجودة و إزاي نساعد المُشرع على الحلول و إزاي نقترح بعض المشاريع القانونية و نعرضه عليه و إزاي نشوف عوارض التشفيع الموجودة و نعمل spot عليه علشان الناس تقدر تاخد بالها منه ، كل هذه الفعاليات بتوجد داخل أروقة الجمعية .
مين الأشخاص اللي ممكن تستفيد من الجمعية و هل ده بيعلن لكي يستفاد منه هؤلاء الأشخاص ؟
بصفة دورية و بصفة مستمرة كل توصياتنا بتعلن و تذاع و بتكون موجودة على العلن علشان يستفيد منها القاصي و الداني ، بالإضافة إلى إننا بنخاطب بيها القيادة السياسية أو المهتم أو المُشرع أو متخذي القرار ، بحيث إن هو يقدر يستفاد من نتاج العلم اللي احنا بنعمله داخل الجمعية ده بصفة مختصرة .
ماذا تحتوي أنشطة الجمعية ؟
أنشطة الجمعية فيها دورات تدريبية في كل المجالات ، بداية من أسواق المال و البورصة و القانون و التشريع و الإقتصاد في كل العناوين اللي ممكن تتوقعها ، بحيث إن نقدر نساعد الباحث العلمي لأن هنا أعضاء الجمعية هم باحثي الدكتوراه و الماجستير فقط ، يعنى العضوية لحاصلي الماجستير ، و يوجد مكتبة أيضاً بتضم أكتر من ٧٠ الف مجلد ده نشاطنا العلمي ، بنحاول نعمل زخم و إزدهار للبحث العلمي في مصر عموماً .
ده كان الحوار مع الدكتور ” فرج الخلفاوي ” عرفنا منه تفاصيل أكثر عن الندوة و أنشطتها و عن التنظيمات التي تقام فيها .
