القرص الطريه ساده وبالعجوه
مقدمه من شيف عبير سيد
مده التحضير :15دقيقه
مده التسويه :15 دقيقه
مده التخمير :ساعتين
اسم الشيف /عبير سيد
المقادير
كيلو دقيق
معلقه كبيره خميره فوريه
معلقه كبيره بكنج بودر
2معلقه كبيره سكر
2معلقه كبيره زبادى
2معلقه كبيره لبن بودره
2معلقه كبيره خل ابيض
كوب الا ربع زيت يكون نوعه كويس
ماء دافئ للعجن
للحشو : 250 جرام عجوه مفرومه مع معلقه صغيره سمنه نعحنهم مع بعض ونكورهم كور صغيره
لدهن الوش : ربع كوب صغير لبن حليب
الطريقه
نحضر كوب وننزل بربع كوب من الماء الدافئ والخميره والسكر ونقلبهم مع بعض ونسبهم لمده 10دقايق لحد ما الخميره حجمها يرتفع
نحضر طبق وننزل بالدقيق والزيت والزبادى والبكنج بودر واللبن البودره والخل الابيض والخميره بعد ما حجمها يرتفع ونقلبهم مع بعض كويس ونبتدى ننزل بالماء الدافئ شويه بشويه لحد ما العجينه تلم معانا نبتدى نقطعها كور صغيره على حسب الحجم اللى انتى عايزاه ونغطيها ونسبها لمده ساعه تختمر
بعد كده نبتدى نبططها ونرصها فى الصوانى نخلى نصفها ساده والنصف التانى نحشيه عجوه بعد ما نخلص كل الكميه نغطيها ونسبها تخمر مره تانيه لمده ساعه
نشغل فرن البتجاز فوق وتحت ونسيبه يسخن قبل ما ندخل القرص فى الفرن بعد ما يسخن ندخل القرص بعد ما ندهن وشها باللبن فى الرف الوسطانى ويكون الفرن على نار هاديه والشوايه وسط لمده ربع ساعه اولحد ما القرص وشها يوصل للون الذهبى اول ما تخرج من الفرن نغطيها علشان تفضل طريه
والف هنا
فوائد العجوه
يحتوي تمر العجوة على عددٍ من الفيتامينات، مثل البيتا كاروتين، وفيتامين ج، بالإضافة إلى فيتامينات ب، مثل: الثيامين المعروف بفيتامين ب1، والرايبوفلافين أو فيتامين ب2، والنياسين أو فيتامين ب3. الألياف: يُعدُّ كُلٌّ من لُبِّ تمر العجوة وبذرته غنيّينِ بالألياف، بما فيها الألياف الذائبة في الماء، والألياف غير الذائبة في الماء. السكريات: يحتوي تمر العجوة على 25.41% من سكر الفركتوز، و31.33% من سكر الجلوكوز ومقارنةً بتمر الزايدي فإنَّ تمر العجوة أعلى بمحتواه من السكّريات، بما فيها سكر الجلوكوز، والفركتوز، والمالتوز، والجلاكتوز.
رئيس قسم المطبخ أ سمسمه سعد