تصريحات خالد الغندور دائماً ما تثير الجدل
تصريحات خالد الغندور دائماً ما تثير الجدل
كتبت: أميرة الطواب
خلال الأزمة الحالية التي يمر بها نادي الزمالك ، نشر كابتن خالد الغندور بوست عبر موقع التواصل الإجتماعي فيس بوك محتواها”الزمالك فوق جميع ابناءه ومشجعيه ومحبيه نمبر ون”
وفي برنامج اللعبة الحلوة الذي يقدمه كابتن خالد عبر إذاعة أون سبورت إف إم قال: “أنا قريب من مجلس الإدارة ومكنتش عارف أن فى إيقاف قيد للزمالك غير من حسين لبيب فى التليفزيون ، وكنت عارف أن الزمالك خلص وليد الكرتى لاعب الوداد وقالولى هنعلن عن التعاقد مع عبد الله السعيد خلاص”.
وتابع الغندور: “طب لما فيه إيقاف قيد تعاقدتوا مع عمر كمال عبد الواحد ليه ومحمود شبانة وحمدى النقاز، وإيه كمية القضايا اللى على الزمالك دى من أيام المجالس السابقة ووصلت لـ 300 مليون جنيه”.
وقال مضيفاً بندق: “لو إدارات الزمالك يتمشي صح وتدفع اللى عليها وتنهى علاقاتها باللاعبين بدون أزمات مكنش ده بقى حالنا، يعنى عشان لاعب زى حسام أشرف وأكاديمية حتى مش نادي فى الكاميرون نتوقف فترتين قيد، وطبعاً المجلس جاب النقاز عشان عقوبته مش عشان فنياً”.
واختتم بندق : “لو ظل القيد موقوف سوف يقوم الزمالك بإعارة الصفقات الجديدة، واللجنة اتصرفت صح فى أزمة حمدى النقاز مش ناقصين فلوس كمان ونعيره نستفيد فلوس كمان، وعبد الله السعيد كان أفضل يجى السنة دى طالما مش هيجى السنة دى يبقى مش مفيد السنة الجاية”.