“عزيز النفس ليه مليون سلام وتحيه”

شاهد بالفيديو

“عزيز النفس ليه مليون سلام وتحيه” 

بقلم الشاعره /ولاء محمد عبد العزيز 

غنُّوا للفقير عن غدر الزمان
فرح الفقير فى غُناه.

غَنُّوله عن صاحبه اللِّى باعه
وحبيبه اللِّى جفاه.

بَكُّوا العيون ياسادة
وعلُّوا قولة آه.

واسقوه المُر بزيادة
خَلُّوا الرغيف مولاه.

احكوله عن حظه اللِّى خانه
وعن ظلم الحياه.

طب إمتى هتفوق وتخرج
من دايرة المعاناه.

إياك تكون موهوم لابس دور الضحية
انفض مخاوفك قوم وابنى للحمام غيَّة.

هتعيش كدا وتموت
كلك عقد نفسية.

وتقول دا أنا متوول
لا علىِّ ولا بىَّ .

رَخَّصت نفسك حى
وإن مُت مالك ديَّة.

العيب مش فى اللَّى غنَّى
العيب عليك وعلىَّ.

راسك ماترفع فوق
ماتعبت من التوطية!!

ده عزيز النفس ليه
مليون سلام وتحيَّة.

اخبار مصر 24 

اترك رد

لن يتم نشر عنوان بريدك الإلكتروني.