فيفي عبده: ربنا رزق محمد رمضان ليه وشيرين لازم تغلط

 

 

أثير في الآونة الأخيرة، جدلاً واسعاً بين الوسط الفني، ناهيك عن ردود أفعال نشطاء مواقع التواصل الاجتماعي، حول الفنان محمد رمضان والمطربة شيرين عبد الوهاب، لما يصدر عنهم من تصريحات وتصرفات قد تلقى إعجاب البعض وعلى النقيض سخط الآخرين.

 

وفي هذا الصدد، كشفت الفنانة الكبيرة فيفي عبده، عن رأيها في الفنانة شيرين عبد الوهاب ومحمد رمضان وذلك خلال تصريحات تليفيزيونية.

 

شيرين بشر لازم تغلط

وقالت فيفي عبده: شيرين عبد الوهاب المصرية الجدعة الجميلة، كونها بتقع فـ ده عشان إحنا بشر، والناس مش لازم الناس تلوم الفنان، لأنه بني أدم ومن حقه يغلط ويهزر، لأنه لازم يكون طبيعي.

 

وتابعت: الممثل مش هيقعد زي تمثال الشمع، لازم نكون طبيعيين، هي أكيد مش قصدها تغلط، وهي لذيذة ودمها شربات، مضيفة: محمد رمضان مهما تقولوا له، هو ربنا بيحبه ورازقه، مش عارفة ليه رازقه، بس منقدرش نقول ليه.

 

عمل حاجة جميلة لأمه

واختتمت: هو ربنا مديله نجاح ورزق وحب من الناس، أكيد عمل حاجة جميلة لأمه وأهله عشان كدة ربنا بيديله كل اللي هو في دلوقتي.

 

يذكر أن: الفنانة فيفي عبده، شاركت جمهورها فيديو جديد عبر حسابها الشخصي بموقع التواصل الاجتماعي للصور والفيديوهات “إنستجرام”.

 

فيفي ترقص عالشاطيء

وظهرت فيفي بإطلالة جريئة وهي ترقص علي الشاطئ، مرتدية فستانا باللون اللبني، كما تركت شعرها منسدلا على كتفيها.

 

وعادت فيفي عبده إلى دراما رمضان 2022 بعد غياب عامين، من خلال مسلسل “شغل في العالي”