لم يتلقى دعوة للمهرجان لكنه توسل للحضور عز الذى لم يعرفه احد
لم يتلقى دعوة للمهرجان لكنه توسل للحضور عز الذى لم يعرفه احد
لم يتلقى دعوة للمهرجان لكنه توسل للحضور عز الذى لم يعرفه احد
احمد عز … كان يحلم بالتمثيل منذ طفولتة الى ان اصبح سوبر ستار فى مجال التمثيل بمصر والوطن العربى ويعتبر الفنان احمد عز ملك الاناقة وتمتاز افلامة بالحركة والاثارة والتشويق.
كتبت / غادة العليمى
بعد ان عبر الريد كاربت ليتسلم جائزته فتح قلبه امام الميكرفون ليتذكر ٢٤ عام من الجهد والقلق والتعب حتى النجومة والتكريم
وقف مبتسما سعيدا فخوراً وتطلع فى الحضور وسرد مشواره الفنى فى جمل قصيره قال فيها
“من حوالي 24 سنة بالظبط خيروني بين إني أكمل شغلي أو أعمل بطولة أول فيلم وعلى غير رغبة أهلي اخترت دخول مجال التمثيل وابتديت أصور .. في نص التصوير كدة جة مهرجان القاهرة وكان نفسي أحضره وكان نفسي أكتر تجيلي على الدعوة البيت مكتوب عليها الفنان أحمد عز مش لسبب قد إني أقول لأبويا وأمي إني اخترت صح فضلت مستني الدعوة أسبوع واتنين ومفيش دعوة لحد جه يوم المهرجان والدعوة مجتش فـروحت سألتهم وكانوا غاية الكرم معايا وإدوهاني رجعت البيت خدت دش وحلقت دقني ولبست وكنت عايز أبقى أبيض واحد في المهرجان وأتصور على الريد كاربت وأبويا وأمي يشوفوني .. روحت وعملت نفسي مثقل بالفن ، عديت على أول كاميرا محدش عرفني التانية كذلك وعديت على نايل سينما ونايل دراما والاسرة والطفل مفيش حد عرفني خالص .. قولت مش مشكلة
كان نفسي أبقى قاعد في الصفوف الأولى في النص يشوفوني ويبقوا فخورين بيا جاي من الباب داخل لقيت الراجل بتاع الأمن قالي حضرتك قاعد فوق خاااالص وورا “بيشاور على المكان” قعدت فوق خالص ونظر عز لابعد مكان فى القاعة وابتسم لفتاة تجلس فيه وقال
” البداية كدة متقلقيش “ثم اكمل قصته فخورا سعيدا روّحت البيت متضايق جدًا امي دخلت عليا ودعيتلي ربنا يناولك مرادك تلف الأيام وأقف دلوقتي على خشبة دار الأوبرا وأتكرم وآخد جايزة اسم صاحبة الجايزة لوحده جايزة “فاتن حمامة” لأ ومين اللي بيكرمني؟ معالي وزير الثقافة والأستاذ نجم النجوم اللي مجاش زيه حسين فهمي
المزيد من المشاركات
بس للأسف كل ده بييجي وأبويا وأمي مش موجودين .. لو كانوا موجودين أنا متأكد إنهم هيبقوا فخورين بيا بس الحمد لله
الجايزة الكبيرة العظيمة دي مش اجتهاد مني لوحدي جايزة كل مخرج وزميل وزميلة وعامل وعاملة ولولا ضيق الوقت كنت ذكرتهم اسم اسم ولولاهم مكنتش هبقى هنا الجايزة دي حافز للي جاي أنا حاسس إني ماعملتش أي حاجة
فاكر لحد النهاردة قعدتي مع المنتج وائل عبد الله وساندرا في ملاكي إسكندرية وهما بيفكرولي هيقدموني تاني ازاي فاكر ده كأنه امبارح عايز أهدي الجايزة دي لنجم عزيز عليا قالي في يوم من الايام “الالتزام والورق أبوك وأمك في الصناعة دي” والنصيحة دي لأي حد جديد ويارب ييجي يوم وكل زمايلي وصحابي يقفوا مكاني ويبقوا أحسن مني بهدي الجايزة دي للنجم الزعيم عادل إمام
المزيد : عفاف شعيب تكشف أسرار في حياتها الفنية.. و توجه رسالة للفنان الراحل محمود عبدالعزيز
نبذه عن حياة النجم
