طريقة عمل اللازنيا مقدمه من مطبخ اكلات مني صالح
مده التحضير ربع ساعة
مده الطهي نصف ساعة
البشاميل علي البارد بطريقه سهله وبسيطه
واللازنيا بدون سلق
طريقه اللحمه بالصوص
طريقة عمل اللازنيا
تعديل بالطريقه
طريقه اللحمه بالصوص
ننزل ببصلتين كبار تقطيع رفيع في معلقه سمنه يادوب تدبل معانا وننزل عليها بفصين توم كبار ونشوح شويه وننزل باللحمه ونشوح فيها لحد مالونها يفتح معانا وتنشف من السوايل ونعصر عليها ليمونه ونشوح كويس ودي علشان تشيل اي ريحه في اللحمه
وننزل عليها ب٢طماطم مبشوره ومعلقه صلصه كبيره وكوب ميه ونقلب كويس ونتبل بملح وفلفل ومرقه بودر ورشه جوزه الطيب وسيبها عشر دقايق والصوص ينقص لنصها ماتكونش مليانه ميه ولا هي ناشفه
…….
تابع ايضاطريقة عمل البسبوسة بالمكسرات
نجهز البشاميل
عندي ٢كيلو لبن وممكن نعمله لبن على شوربه
او لبن على ميه حسب راحتكم وامكانيتكم
انزل عليهم ب٨معالق كبار دقيق
وادوبهم عالبارد ورفعها على نار وسط مع التقليب المستمر اول مايسخن كويس ننزل بمعلقه زبده كبيره ورشه من المرقه البودره
ورشه جوزه الطيب وفلفل وملح وياريت
معلقه جبنه كريمي او نستو
لحد ماتغلي كويس
…………..
نجهز شرايح اللازنيا وكمان نص كيلو من الجبنه المودتزيريلا
نجهز البيركس بتاعنها
ننزل بطبقه من البشاميل في الارضيه وعليها رشه من اللحمه ونرص راق من شرايح اللازنيا
وبعدين بشاميل طبقه كويسه وطبقه من اللحمه ورشه موتزيريلا
أنا عملت ٣طبقات بنفس الشكل
واخر طبقه عالوش بشاميل وطبقه لحمه وجبنه بس تكون كتيره شويه وعليهم زعتر فريش او رشه زعتر مجفف
….
اترك الطاجن ربع ساعه علشان شرايح اللازنيا تطري من البشاميل كويس
وندخلها فرن على ١٨٠ل٢٠٠
هتاخد حوالي تلت ساعه
ونشغل الشعله والجبنه تاخد لون وهنا بقى بحب اغطيها جوه الفرن باي صينيه لمده دقيقه
الجبنه تطري معاكي ماتكونش ناشفه وكمان تلاقيها لامعه
تتقطع وتقدم وهي ساخنه
والف هنا
رئيس قسم المطبخ أ سمسمه سعد