فيلم “الشقراء” عن مارلين مونرو ينال جائزة أسوأ فيلم في حفل جوائز التوتة الذهبية

فيلم “الشقراء” عن مارلين مونرو ينال جائزة أسوأ فيلم في حفل جوائز التوتة الذهبية

نال فيلم السيرة الذاتية لمارلين مونرو بعنوان “الشقراء”، جائزة أسوأ فيلم خلال حفل جوائز التوتة الذهبية السنوي. 

 

اسوأ فيلم

وحصل فيلم “الشقراء” للمخرج أندرو دومينيك، بالإضافة إلى لقب أسوأ فيلم، على جائزة أسوأ سيناريو.

 

وحصد جاريد ليتو، جائزة أسوأ ممثل عن دوره في فيلم “Morbius”، وحصل النجم، توم هانكس، على جائزة أسوأ ممثل مساعد عن فيلم “Elvis”.

 

ومنح المنظمون أنفسهم جائزة “أسوأ ممثلة” لأول مرة لأنهم لأنها وضعوا ممثلة صغيرة من مواليد عام 2010 ضمن الترشيحات، مما تسبب في موجة من الانتقادات.

 

وتمنح جوائز التوتة الذهبية لأسوأ الأعمال أو الأفلام السينمائية في العام، وتعلن دائما في اليوم السابق لحفل توزيع جوائز الأوسكار

فيلم شقراء

ويعد “شقراء” الفيلم الـ16 الذي يتم تقديمه عن حياة مارلين مونرو، التي لطالما ألهمت صناع الأفلام والكتاب والروائيين بالأعمال. والفيلم مأخوذ عن رواية تحمل الاسم ذاته للكاتبة جويس كارول أوتس صدرت عام 2000، وحققت أعلى المبيعات في الولايات المتحدة الأميركية.

مارلين مونرو

كانت مونرو ممثلة ومغنية وعارضة أزياء أميركية، قدمت 29 فيلما في خمسينيات وستينيات القرن الماضي، وصنفها معهد الفيلم الأميركي واحدة من أعظم أساطير الشاشة النسائية في العصر الذهبي لهوليود، لذلك من المنطقي أن تكون قد رويت قصتها عدة مرات، خاصة بعد وفاتها المأساوية عام 1962 نتيجة جرعة كبيرة من الحبوب المنومة

 

مارلين مونرو كانت معروفة بجمالها وجاذبيتها الشديدة و بتعتبر لحد دلوقتى رمز من رموز الجمال فى تاريخ السينما ، و كان جمالها من نوع خاص و متختلف عن غيرها من الممثلات او المشاهير فى وقتها و كانت بتتميز بالـ sharp curves  وثقتها فى نفسها، و بعد 50 سنة من موتها لسه بتعتبر واحدة من ايقونات الستايل والجمال و ستات كتيرة بتحاول تقلدها لكنها فضلت دايما مختلفة و مميزة

 

اهم اسرار جمال مارلين مونرو ..

 

مارلين كانت ماشية على دايت قاسي وكانت ملتزمة بيه طول الوقت، وكانت بتعتمد على البروتين بنسبة كبيرةفى الفطار بأنها تاكل قطعة لحمة مع الخضار  ومابتتغداش، و كانت بتاكل الايس كريم كـ snack بالليل. و للفطار كمان كانت بتضرب بيضتين فى لبن دافى و تشربهم.  لكن دلوقتى مش من المحبب انك تفوتى وجبة الفطار لانها بتعتبر مهمة نوعا ما لانه طبيعة شغلك ممكن تكون بتختلف عن طبيعة شغل مارلين فبتحتاجى وجبة فى نص اليوم تجددى بيها طاقتك علشان تقدرى تكملى شغل. السر اللى محتاجه تعرفيه علشان يبقى عندك جسم و curves متناسقين هى انه تعتمدى على البروتين فى نظامك الغذائى و تقللى من النشاء على قد ما تقدرى و مع البروتين كلى خضار زى الجزر لانها غنية بالالياف اللى هتخلى جسمك يحرق الدهون بشكل افضل، الجسم الـ curvy بيعتبر من اكتر الحاجات اللى اتشهرت بيها  و من اسرار جمال مارلين مونرو لدرجة انه فى مبنى فى كندا متسمى على اسمها،  Marilyn Monroe Towers!

 

العيون : 

 

سر تانى من اسرار جمال مارلين مونرو هى عيونها اللى كانت بتبقى حريصة دايما انها ترسمها على شكل cat eye، و كانت بتحط رموش صناعية مؤقتة علشان تدى لرموشها volume و تخلى عينيها تبان اوسع. و الحيلة اللى كانت بتعتمد عليها هى انها تعمل curling لرموشها الطبيعية باستخدام آداة تنى الرموش lash curler علشان عينيها تبان اوسع. و كانت بتكمل لوك عيونها كانت بترسم حواجبها على شكل قوس ودى كانت موضة رسم الحواجب فى وقت مارلين و حتى بدأت تبقى موضة بين الممثلات دلوقتى. 

 

بشرتها المتألقة : 

 

سر كمان من اسرار جمال مارلين مونرو علشان بشرتها تبقى متألقة قدام الكاميرا هى انها كانت بتستخدم فازلين vaseline تحت الـ foundation. الـ make up artist الخاص بيها كن بيحطلها طبقة رقيقة جدا من الفازلين قبل ما يبدأ بأساس مكياجها و ده كان بيخلى بشرتها يبقى فيها لمعة خفيفة و تألق قدام الكاميرات. وكان كمان بيضمن الترطيب اللازم لبشرتها و بيحافظ عليها ناعمة، مارلين كمان كانت بتشقر شعر الوجه و ده كان بيديها ضى لونه دعبى خفيف فكان بيزود من الاضاءة الطبيعة لوشها كل ما النور ييجى عليها. الماكيير الخاص بيها كان بيعمل هايلايت لخدودها و كونتور علشان يخلى مناخيرها تبان ارفع و يبرز وشها اللى كان على شكل heart shape. وجنب كل دجه، مارلين كانت حريصة دايما انها تحافظ على ترطيب بشرتها و حريصة انها تحط كريمات الليل و النهار . 

 

الشفايف :

 

مارلين عمرها ما اعتمدت فى لون الروج بتاعها غير على درجات الاحمر، والالوان الاساسية و درجات البينك و كانت دايما بتفضل الاحمر بشكل ملحوظ، وعلشان تخلى شفايفها مرسومة و باينة بشكل واضح ، الماكيير الخاص بيها كان بيحطلها طبقات بدرجات مختلفة من لون الروج اللى هتستخدمه من الفاتح للغامق بالاضافة الى lip gloss و ده كان بيخلى لون الروج يبقى باين اكتر و كان بيحافظ عليه ثابت لوقت اطول ، وكمان كان بيحافظ على ترطيب شفايفها طول الوقت.

 

الشعر : 

 

لون شعر مارلين بخصله الشقراء و تسريحته المميزة هى اللى خلت شعرها يبقى مختلف عن غيرها من النجمات فى وقتها، فلو بشرتك فاتحة ممكن تغيرى اللوك بتاعك للاحلى بشكل كبير بانك تصبغى شعرك باللون الاشقر البلاتينى اللى كانت بتعمله مارلين او انك تقصرى شعرك لطول شعرها، كمان اكسسوارات الشعر هتخلى اللوك بتاعك مميز و احلى بكتير