محمد رمضان : “منتخب غانا معايا في الأوتيل”

محمد رمضان : “منتخب غانا معايا في الأوتيل”

كشف الفنان محمد رمضان، عن تواجده بنفس فندق إقامة لاعبي منتخب غانا، والذي من المقرر أن يقابل منتخب مصر خلال كأس الأمم الإفريقية 2024

وقال محمد رمضان في مداخلته الهاتفية في قناة DMC: أنا موجود في الأوتيل اللي موجود فيه منتخب غانا، وفي نفس الدور عندي، مش عارف الشركة غلطت ولا إيه؟

واضاف محمد رمضان أعتقد لو واخدين بالهم إني مصري هيخافوا يعملوا كده، والدور كله ريحته أبو فاس تقريبًا في علاج طبيعي في الدور مش عارف أعيش، مش عارف هل دي حاجة طبيعية لـ لاعيبة الكرة ولا إيه أنا مش عارف أنام من الريحة.

كما تحدث محمد رمضان، عن كواليس اختياره لـ تقديم الأغنية الرسمية لكأس الأمم الإفريقية، قائلًا: أنا مؤمن بحاجة اسمها قانون الجذب، أن الشيء اللي بنحلم بيه وبنسعى إليه هو كمان بيسعى لينا، وفي صلة رحم كبيرة بينا وبين الوطن العربي كله، ولكن بننسى إنتمائنا بقارتنا واللي بيربط ده كرة القدم.

وتابع محمد رمضان: كنت بتسأل ليه الفن مش بيربط ده زي ما كرة القدم عاملة، وكنت عامل أغنية مع مغني أمريكي اسمه فيوتشر، والشركة الأمريكية دي جالها إيميل من القسم الخاص بـ إفريقيا ووقع الاختيار عليا، والغريب أنهم قالوا ليهم عايزين مغني يمثل إفريقيا في الإيفينت وأنا بغني من 5 سنين، مبسوط جدًا وفخور بوجودي، ويارب يكون وشي حلو على المنتخب ويارب ناخدها للمرة الثامنة بعد عمر طويل أوي.

واستكمل محمد رمضان: الاختيار بيكون بناء على الدراسات ونسبة الاستماع، وأنا كان عندي مشاريع لإفريقيا ده هدف عندي، وخدت جائزة سنة 2018 عن أغنية مافيا، والاهتمام الإعلامي كان على الشق التمثيلي، ولكن الشق الغنائي أنا باخد خطوات من غير ما حد يشعر ويارب أكون عند حسن ظن الجمهور.

وانتهى محمد رمضان: تفاجأت أن اتحاد الكرة في المغرب لبسوني تي شيرت حارس مرمى رقم 1 قولتلهم أنا عامل أغنية نمر وان هتضحكوا الناس عليا، وكله بيخاف من منتخب مصر وعنده رهبة منه، وإحنا فخورين وطول الوقت مصر معمول لها حساب في كرة القدم.