مذنب هالي

الوقت هو ثروة– جميع الكائنات

وهو سر خلطة – تحقيق الإنجازات

ورعايته هي كلمة – جميع الرسالات

إذا ما الساعة دقت – ما يرجع الي فات

كلام المرسلين – بيقولك باليقين

راح تٌسأل يوم الدين – عن كل اللحظات

عن عمرك والسنين – لحظاتك كل حين

كانت جهودك فين – أيام كل الي فات

ودي شلة كسلانين – ويقولوا تعبانين

جنب الشاشات قاعدين – مالهمش غير في الشات

ودا راجل ملو العين – واحد م الأنتوخين

تلقاه بالمال ضنين – ويبذّر في الساعات

عملت إيه حيال – أيامك الخوالي

وإيه كانت فعال—نفسك في الليالي

النمل كان شغّال – وانت من الشغل خالي

أثناء مر الجبال – مر السحاب في العالي

انظر نحو الشمال – هيفوت مذنّب هالي

وانت قاعد قبال – النيت بالليالي