مصطفي درويش “مسمعش صوت معارض” الأزهر قال كلمته

 

كتبت: آية رجب

 

 

الفنان “مصطفي درويش” في رسالة للمعارضين على إعتذاره عن فيلم “الملحد”، مدعمه بكلام “الأزهر الشريف”.

كتب نصًا: “الازهر قال كلمته ونصر الحق ممكن مسمعش صوت معارض لو سمحتم لان احنا مرجعيتنا للازهر وانا ولا شيخ ولا حاجه انا لسه باديء انتظم في الصلاه من قريب وكان بعد مشكله حصلتلي فا قربت من ربنا”.

 

 

واستكمل “واعتذاري عن الفيلم جيلي في اصعب ظروف محدش عارف عنها حاجه محتاج ماديات فعلا ومحتاج شغل لاني لسه في اول الطريق فا اكيد اعتذاري عنه كان علي عيني بس ديني اهم وانا لا غلط في الاستاذ ابراهيم ولا غلط في حد انا بس اخدت قرار ادافع عن الصلاه اللي بصليها والاسلام اللي هو ديني ودين امتي”.

 

 

وأضاف “مصطفي درويش” قائلًا “ولو كان الاستاذ غلط في اي ديانه مسيحيه او غيرها كان هيبقي نفس موقفي أنا مسلم مؤمن بكل الرسل والديانات السماويه ومقبلش حد يشكك في الكتب السماويه وأسكت”.

 

وأختتم حديثه قائلًا:”نقفل الموضوع ده علشان اخد اكبر من حجمه”.

 

 

وكان قد إعتذر الفنان “مصطفي درويش” عن تكملة مشاركته بفيلم “الملحد” وذلك بسبب أن كاتب الفيلم هو الأعلامي “إبراهيم عيسى” صاحب تصريحات غير حقيقة تخص الأسلام وبالأخص “الاسراء والمعراج”.

 

 

قام “مصطفى درويش” بنشر مؤخرًا صوره تحمل منشيت صحفي بعنوان لما قاله الإعلامي “إبراهيم عيسى” وعلق نصًا “قررت انا مصطفي درويش بمقاطعه اي برنامج لابراهيم عيسي 

 

 

والاعتزاز عن فيلم الملحد اللي صورت فيه اربع ايام بسبب ان مؤلف القصه هو ابراهيم عيسي”.

 

 

وأضاف “لان واضح ان الحرب دي ممنهجه وانا مقبلش أبدًا اكون اداه للحرب ضد ديني ولو الثمن هيكون ايه 

 

 

آسف جدًا وبعتزر لكل فريق العمل مش هاكمل في القرف ده”