مهرجان الهوهوز قطع كابات تورته
مقدمه من شيف فاطمه عطيه
(طريقة الاسبونج)
٤ بيض/ فانيليا/ ذرة بسيطة ملح
نص كوب سكر(١٠٠ جرام)
كوب دقيق(١٠٠ جرام)
١/٢ معلقةمعلقة صغيرة بيكنج بودر
معلقتين كبار كاكاو خام( ١٥ جرام)
١/٤ كوب حليب (٥٠ جرام)
٣٠ جرام زبدة دايبة (٦ معالق طعام بعد الدوبان)
( الطريقة)
يخلط البيض مع السكر والفانيليا والملح بالمضرب الكهربائى مدة ماتقلش عن (١٠) دقائق لحد الخليط ما يرتفع ويبقى كريمى
ننزل بالحليب مرة واحدة مع التقليب بالمضرب اليدوى بكل هدوء
نخلط المواد الجافة ونحطها على الخليط مع التقليب البسيط
تجنبا لعدم هبوط الخليط
ناخد معلقتين كبار من الخليط ونحطها على الزبدة ونقليها
وننزل بها على خليط الاسبونج ونكمل تقليب
نحط الخليط فى صاج ٣٠× ٤٠ مدهون بسيط زبدة ومفروش ورقة زبدة وندهنها زبدة بسيط
(التسوية)
الفرن يكون ساخن مسبقا
الصنية تدخل فى وسط الفرن لمدة( ١٣ دقيقة)
قسمت الاسبونج قطعتين ( قطعة عملتها هوهوز)
القطعة التانيه ( حطيت عليها ٣ معالق كبار كريم شانتيه ومعلقة شوكولاته ) وعجنتها وحطيتها فى كابات مع الكريم شانتيه ودخلتها الفريزر ساعة
وطلعتها صبيت عليها الشوكولاته
(الحشو)
كوب ونص كريم شانتيه/ ٥ معالق سكر/ كوب ميا ساقعة
والى يظبط لك الطعم هى( قشطة بوك) حطيت معلقتين كبار
وضربت الخليط لحد مارتفع وبقى كريمى
نلف قطعه الاسبونج على شكل رول وسيبته يبرد خالص
وبعدين حشيته من الكريم شانتيه دخلته الفريزر ساعتين
بالنسبة للشوكولاته
(باكو شوكولاته سما ) قطعتها لقطع صغيرة وحطيتها فى كيس وقفلته كويس وحطيته فى ميا سخنة لمدة عشر دقائق
ننشف الكيس كويس
نفضيه ونحط عليه معلقتين كبار زيت ونقلبهم
قطعت الرول لأربع قطع وحطيت كل قطعة فى الشكولاته
وغطيتها بالشوكولاته وحطيتها على كيس تلاجة
ودخلتها الفريزر نص ساعة
عملت نفس الخليط وحطيته فى صنية مقاس ١٨
قسمت الكيك قطعتين
حشيتها وغلفتها بالكريمه شانتيه ودخلتها الفريزر ٣ ساعات
(الجناش)
باكو شوكولاته/ ٢٥ جرام زبدة ( ٥ معالق كبار بعد الدوبان)/ ٨٠ جرام حليب( نص كوب الا ٣ معالق كبار)
نحط الحليب مع الزبدة على النار لحد ما الزبدة تدوب
نطفى النار وننزل بالشوكولاته وتكون متقطعة
لو ما دابتش كويس حطيها على حمام بخار
نزلت بخليط الشوكولاته على التورتة ودخلتها الفريزر نص ساعة ( دوبت مكعبين من الشوكولاته البيضاء
وتقدم وبالف هنا
رئيس قسم المطبخ أ سمسمه سعد
